Transcription
1
Monsieur, jay veu par votre lestre comme vous vous estes bien
2
pourté et que vostre sirioct vous a faict bonne opperation, dequoy jen
3
remercie Dieu, le supplie de bien bon cœur vous y meyntenir
4
longuement et quy remette en bonne santé Laval, lequel jen ay rien
5
entendu. Jespère puis que lon demeure san, que nous en aurons
6
bonnes novelles. Sil vous plaict de cella ny daultre chose
7
vous ne vous en irés point à celle fin quil ne prejudicie
8
a votre santé. Jay receu des lestres de Prouvence, lesquelles
9
je vous envoye et sur le poin, je lay regardé. Torcheffelon me vient
10
voyr et heumes de grans proppos ensenble. La fin a esté quil
11
vous et affectioné servitteur quant jaurey se bien que de vous
12
voyr je vous conterey de nostre discours ; je ne vous puis
13
envoyer ce jour les mulles car Crestin se treuve fort mal.
14
Demain, à la frescheur, ilz iront ; le bollongier pareyllhement
15
a la fiebvre. Tout sella nous vient mal appropos. Il fault
16
loyer Dieu de tout. Ce pourteur vous porte ung couble
17
de pain. Monsieur le president se porte tous les jours
18
mieulx. Quant à moy, jay ung mal de dens quy me
19
travaillhe estresmement et comme je ne sors point, je ne ferey
20
point de faulte de dilligenter tout issi et scarrert à celle
21
fin de men aller que sera ausitout que la litière sera
22
de retourt et en seste endroict, je vous bayse très humblement
23
les mains et supplie le Createur quil vous donne scanté et
24
longue et heureuze vie. De Grenoble, ce vingt huictiesme jour du
25
moys de julhiect, lan mil cinq centz septante deulx.
26
Je masseure que sil vous voullés prandre du plesir et aussy vous contregarder
27
et vive de diette, que vous cerés longuement saing. Ie desire fort dentendre
28
sil votre purgastion vous a augmanté plus de santé, aussy sil vous bevé de vin.
29
Fesant la presente, se pourteur qui est de masain, ma rendu les lettres de nostre
30
fille, lequel vous porte ung paing de la ville. Par luy ientendray de vous
31
nouvelles. Baisés les gallans pour amour de moy qui est
32
Vostre très humble femme et bien obé
33
yssante amie
34
Laval